Qazaqstan Respýblıkasy Qarjy mınıstrliginiń buıryǵy  №90

2014 jylǵy 15 jeltoqsan, Astana qalasy Kedendik baqylaý tehnıkalyq quraldarynyń tizbesin jáne qoldaný qaǵıdasyn  bekitý týraly «Qazaqstan Respýblıkasyndaǵy keden isi týraly» Qazaqstan Respýblıkasynyń 2010 jylǵy 30 maýsymdaǵy Kodeksiniń 196-babynyń 1-tarmaǵyna sáıkes, sondaı-aq Qazaqstan Respýblıkasy Qarjy mınıstriniń 2014 jylǵy 26 qyrkúıektegi № 417 buıryǵymen bekitilgen, Qazaqstan Respýblıkasy Qarjy mınıstrligi Memlekettik kirister komıteti Erejesiniń 16-tarmaǵynyń 28) tarmaqshasyna sáıkes, buıyramyn: 1. Qosa berilip otyrǵan Kedendik baqylaýdyń tehnıkalyq quraldarynyń tizbesi jáne qoldaný qaǵıdasy bekitilsin. 2. Qazaqstan Respýblıkasy Qarjy mınıstrligi Memlekettik kirister komıtetiniń Kedendik baqylaý departamenti zańnamamen belgilengen tártipte: 1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin; 2) osy buıryqty memlekettik tirkelengennen keıin kúntizbelik on kún ishinde ony resmı jarııalaýǵa merzimdik baspa basylymdaryna jáne «Ádilet» aqparattyq quqyqtyq júıesine joldaýdy; 3) osy buıryqty Qazaqstan Respýblıkasy Qarjy mınıstrliginiń ınternet-resýrstarynda jarııalanýyn qamtamasyz etsin. 3. Osy buıryq memlekettik tirkelengennen keıin kúntizbelik on kún ótken soń qoldanysqa enedi. Qazaqstan Respýblıkasy Qarjy mınıstrligi Memlekettik kirister komıtetiniń tóraǵasy D.ERǴOJIN. Qazaqstan Respýblıkasynyń Qarjy mınıstrliginiń Memlekettik kirister komıteti tóraǵasynyń 2014 jylǵy 15 jeltoqsandaǵy №90 buıryǵymen bekitilgen Kedendik baqylaýdyń tehnıkalyq quraldarynyń tizbesi Kedendik baqylaýdyń tehnıkalyq quraldary mynadaı túrlerge bólinedi: 1) Keden odaǵynyń kedendik aýmaǵyna keletin/ketetin avtokólik quraldaryn memlekettik tirkelgen nómir belgileri boıynsha tirkeýdi avtomattandyrý jolymen olardy kózben qarap jáne avtomattandyrylǵan baqylaý úshin memlekettik kirister organdary paıdalanatyn avtokólik quraldaryn esepteýdiń avtomattandyrylǵan júıesi; 2) ótkiziletin radıoaktıvti jáne bólinetin materıaldardy, qaýipti qaldyqtardy anyqtaý, oqshaýlaý jáne birdeılendirý, olardyń sandyq jáne sapalyq sıpattamalaryn ólsheýge arnalǵan radıasııalyq baqylaýdyń tehnıkalyq quraldary. Olarǵa dozımetrler, radıometrler, portatıvti jáne stasıonarlyq spektrometrler, bólinetin jáne radıoaktıvti materıaldardy anyqtaýdyń stasıonarlyq júıeleri jatady; 3) memlekettik kirister organdary avtokólik quraldarynyń salmaqtyq jáne kólemdik parametrlerin ólsheýdi baqylaý úshin paıdalanatyn kólik quraldarynyń salmaqtyq jáne kólemdik parametrlerin anyqtaýdyń jáne beıne qadaǵalaýdyń avtomattandyrylǵan júıesi; 4) memlekettik kirister organdary kólik quraldaryn, kólik quraldarynyń júk bólikterindegi, konteınerlerdegi, jolaýshylardyń alyp júretin jáne alyp júrmeıtin bagajyndaǵy, halyqaralyq poshta jóneltilimderindegi zattardy jáne shaǵyn, ortasha kólemdi jáne iri kólemdi ydystardaǵy taýarlardy olardy ashpaı, sondaı-aq jeke tulǵalardy ıntrýzıvti emes (baılanyssyz) tekserip qaraý ádisimen, kózben qarap tekserý úshin paıdalanatyn, onyń ishinde beınelerdi óńdeý jáne taldaý júıesimen jabdyqtalǵan tekserip qaraýdyń ıntraskopııalyq tehnıkasy. Memlekettik kirister organdary ıntrýzıvti emes tekserip qaraýdyń stasıonarlyq, tasymaldanatyn jáne utqyr júıelerin paıdalanady; 5) jolaýshylardyń alyp júretin jáne alyp júrmeıtin bagajyn, halyqaralyq poshta jóneltilimderin, kólik quraldaryndaǵy taýarlar men qol jetkizýdiń qıyn oryndaryn kedendik tekserip qaraýdy júzege asyrý kezinde paıdalanylatyn izdestirýdiń tehnıkalyq quraldary. Mynalar izdestirýdiń tehnıkalyq quraldary bolyp tabylady: metall detektorlary - qara jáne tústi metaldardan jasalǵan zattardy anyqtaýǵa múmkindik beretin elektrondy quraldar. Memlekettik kirister organdary portatıvti, tasymaldanatyn jáne stasıonarlyq metall detektorlaryn paıdalanady; tekserip qaraý aınalary - pishinderi men mólsheri ártúrli aýyspaly aınalardyń jıyntyǵy bar teleskoptyq ustaǵyshtar, qol jetkizýdiń qıyn oryndaryndaǵy taýarlardy, kólik quraldaryn tekserip qaraý úshin qolmen ustalatyn jaryqtandyrǵysh aspaptarymen qoldanylady; tekserip qaraý súńgileri - dıametrleri men uzyndyǵy ártúrli erekshe shyńdalǵan metall ózekteri, tesiletin obektilerdiń (jumsaq jáne karton oramalarynyń, kólik quraldaryndaǵy otyrǵyshtardyń, sýsymaly júkterdiń) salymdarynan synamalar alý úshin arnaıy nysandaǵy tesigimen daıyndalady; endoskoptar - kólik quraldaryndaǵy qol jetkizýdiń qıyn oryndaryn jáne túrli, onyń ishinde agressıvti suıyqtyqtarmen toltyrylǵan ydystardy tekserip qaraýǵa arnalǵan optıkalyq aspaptar; tekserip qaraý shamdary men lampalar - táýliktiń túngi ýaqytynda jáne álsiz jaryqtandyrylǵan úı-jaılardy ońtaıly jaryqtandyrý úshin baǵyttalǵan jaryqtandyrǵysh aspaptar. Memlekettik kirister organdary utqyr, tasymaldanatyn jáne stasıonarlyq shamdar men lampalardy qoldanady; tyǵyzdyqtyń ózgerýin aıqyndaý úshin aspaptar - otyn baktary, esikter, kólik quraldarynyń dóńgelekteri, júk avtomobılderi tirkemeleriniń qabyrǵalary sııaqty qol jetkizýdiń qıyn oryndaryndaǵy bóten salymdardy anyqtaý úshin baǵyttalǵan aspaptar; jylý vızorlary - óziniń sáýlelený serpininde jylý sáýlesin shyǵaratyn obektilerdi jedel izdestirýge, anyqtaý men baıqaýǵa arnalǵan baǵyttalǵan aspaptar; 6) birdeılendirýdiń tehnıkalyq quraldary, olarǵa: kedendik jáne ózge qujattardyń túpnusqalyǵyn aıqyndaý aspaptary; baǵaly metaldar synamasynyń túpnusqalyǵyn aıqyndaý aspaptary; baǵaly tastardyń túpnusqalyǵyn aıqyndaý aspaptary; esirtki, psıhotropty zattar men prekýrsorlardy sáıkestendirý aspaptary; jarylǵysh zattardy sáıkestendirý aspaptary; rentgenoflýoressenttik taldaǵyshtar; ólsheý aspaptary; energııa resýrstaryn esepteý aspaptary; hladagentterdi sáıkestendirý aspaptary, detektorlar men taldaǵyshtar; elektrondy tıekteý-plombalaý qurylǵylaryn (elektrondy plombalardy) oqý aspaptary; shtrıh-kodtardyń prınterleri; shtrıh-kodtardy oqý aspaptary; sáıkestendirý quraldary; 7) kedendik baqylaýdy júzege asyrylatyn obektilerdegi jedel jaǵdaıdy qadaǵalaý úshin memlekettik kirister organdary paıdalanatyn kózben qarap qadaǵalaýdyń tehnıkalyq quraldary, Kózben qarap qadaǵalaýdyń tehnıkalyq quraldaryna tasymaldaý vıdeoregıstratorlar, optıkalyq qadaǵalaý aspaptary, dúrbiler, monokýlıarly jáne stereotútikter, túnde kórý aspaptary, sondaı-aq sholý televızııasynyń jergilikti (tuıyq) júıesi - biryńǵaı baqylaý pýltimen qashyqtan basqarylatyn televızııalyq kameralar men baqylaý monıtorlarynyń jelisi, beınekamera, fotokamera jatady; 8) aýdıo jáne beıneaqparatty tasymaldaýshylardy baqylaýdyń tehnıkalyq quraldary, olarǵa magnıtofondar, beınemagnıtofondar, barlyq júıedegi jáne jazý pishinindegi pleıerler, telemonıtorlar, televızorlar, arnaıy kompıýterlik baqylaý júıeleri, foto-, kıno-, slaıd proektorlary, mıkrofıshterdi qaraýǵa arnalǵan qurylǵylar, sondaı-aq aýdıo-, beıneaqparattardy óshirýge arnalǵan qurylǵylar jatady; 9) memlekettik kirister organdarynyń laýazymdy adamdary kedendik baqylaý prosesin jedel basqarýdy qamtamasyz etý úshin qoldanatyn jedel baılanystyń tehnıkalyq quraldary. Keshen: memlekettik kirister organdaryna arnaıy bólingen radıojıilikte jumys isteıtin radıobaılanystyń tasymaldanatyn, stasıonarlyq (bazalyq), avtomobıldik apparatýrasyn qamtıdy. Qazaqstan Respýblıkasynyń Qarjy mınıstriniń Memlekettik kirister komıteti tóraǵasynyń 2014 jylǵy 15 jeltoqsandaǵy №90 buıryǵymen bekitilgen Kedendik baqylaýdyń tehnıkalyq quraldaryn qoldaný qaǵıdasy 1. Jalpy erejeler 1. Osy Qaǵıda Keden odaǵynyń kedendik shekarasy arqyly ótkiziletin taýarlar men kólik quraldaryn, sondaı-aq Keden odaǵynyń kedendik shekarasy arqyly ótetin jeke tulǵalardy kedendik baqylaýdy júzege asyrý kezinde tehnıkalyq quraldardy qoldaný tártibin belgileıdi. 2. Kedendik baqylaýdyń tehnıkalyq quraldary - kedendik baqylaýdy júrgizý ýaqytyn qysqartý men keden isi salasyndaǵy quqyq buzýshylyqtardyń (qylmystardyń) faktilerin anyqtaý maqsatynda jeke tulǵalardy, taýarlar men kólik quraldaryn kedendik baqylaý prosesinde memlekettik kirister organdary qoldanylatyn arnaıy tehnıkalyq quraldarynyń kesheni. 2. Kedendik baqylaýdyń tehnıkalyq quraldaryn qoldaný tártibi 3. Kedendik baqylaýdyń tehnıkalyq quraldaryn qoldaný adam ómiri men densaýlyǵy, janýarlar men ósimdikter úshin qaýipsiz bolýǵa jáne tulǵalarǵa, taýarlar men kólik quraldaryna zalal keltirmeýge tıis. 4. Kedendik baqylaýdy júzege asyrýshy memlekettik kirister organynyń laýazymdy adamy kedendik baqylaý nysanyna jáne jeke tulǵalardy, taýarlar men kólik quraldaryn ótkizý ereksheligine qaraı kedendik baqylaýdyń qandaı da bir tehnıkalyq quraldaryn qoldaný qajettiligin aıqyndaıdy. 5. Kedendik qadaǵalaý kezinde kedendik baqylaýdyń mynadaı tehnıkalyq quraldary qoldanylady: 1) Keden odaǵynyń kedendik aýmaǵynan ótetin avtokólik quraldaryn memlekettik tirkelgen nómir boıynsha tirkeý jolymen avtokólik quraldaryn esepteýdiń avtomattandyrylǵan júıesi; Avtokólik quraldaryn esepke alýdyń avtomattandyrylǵan júıesin qoldaný nátıjesi boıynsha alynǵan aqparat Keden odaǵynyń kedendik shekarasyn qıyp ótetin avtokólik quraldaryn ortalyqtandyrylǵan esepke alý úshin baılanys arnalary arqyly keden isi salasyndaǵy ýákiletti organǵa beriledi; 2) kedendik baqylaý aımaǵyndaǵy taýarlardy, kólik quraldary men jeke tulǵalardy kózben qarap baqylaý júrgizý úshin qoldanylatyn kózben qarap qadaǵalaýdyń tehnıkalyq quraldary. 6. Kedendik qaraý men kedendik tekserip qaraý kezinde kedendik baqylaýdyń mynadaı tehnıkalyq quraldary qoldanylady: 1) Keden odaǵynyń kedendik shekarasy arqyly raıoaktıvti materıaldardy zańsyz ótkizýdi anyqtaý maqsatynda Keden odaǵynyń kedendik shekarasy arqyly ótkiziletin taýarlarǵa, kólik quraldary men jeke tulǵalarǵa qatysty qoldanylatyn radıasııalyq baqylaýdyń tehnıkalyq quraldary; 2) keden isi salasyndaǵy ýákiletti organǵa alynǵan aqparatty baılanys arnalary boıynsha bere otyryp esepke alý jáne baqylaý maqsatynda Keden odaǵynyń kedendik shekarasyn kesip ótetin avtokólik quraldaryna qatysty qoldanylatyn kólik quraldarynyń salmaqtyq jáne kólemdik parametrlerin aıqyndaý men beınebaqylaýdyń avtomattandyrylǵan júıeleri; 3) qol júgine, konteınerlerge, kólik quraldaryna, pochta jóneltimderine jáne jeke tulǵalarǵa salynǵan kontrabandalyq taýarlardy tabý maqsatynda kedendik baqylaý aımaǵyndaǵy Keden odaǵynyń kedendik shekarasynan ótetin taýarlarǵan, kólik quraldary men jeke tulǵalarǵa qatysty qoldanylatyn, onyń ishinde beınelerdi taldaý jáne óńdeý júıelerimen jaraqtalǵan ıntraskopııalyq tekserý tehnıkasy; 4) kólik quraldaryn, taýarlardyń oramdaryn ashýsyz, bólshekteýsiz jáne zertteý obektisiniń tutastyǵyn buzbaı, taýarlar men kólik quraldaryn tekserip qaraý kezinde qoldanylatyn izdeý tehnıkalyq quraldary; 5) mynadaı taýarlardy qaraýdy júrgizý kezinde qoldanylatyn sáıkestendirýdiń tehnıkalyq quraldary: baǵaly tastar men metaldardyń synamalaryn sáıkestendirý úshin baǵaly tastardaǵy sáýlelerdiń synýyn taldaý negizinde jumys isteıtin aspaptar jáne qorytpalardy aıqyndaýdyń túrli ádisterin paıdalanatyn aspaptar qoldanylady. Baǵaly tastar men metaldardy resimdeýdiń barlyq jaǵdaılarynda qoldanylady; esirtkini, psıhotropty zattar men prekýrsorlardy anyqtaý jáne (nemese) tekserý úshin: salfetkalardyń kómegimen mıkrobólshekterdi jınaý jáne olardy taldaýdy júrgizetin detektorǵa salý, sondaı-aq detektordyń kompressoryn qosý kómegimen kúdikti ýchaskeden býlardy taldaý ádisimen esirtki zattarynyń detektorlary men ekspress-taldaǵyshtar; arnaıy móldir ydystardaǵy esirtki zattaryn túsine qaraı aıyrý úshin ampýlalar nemese ampýlalardyń jıyntyǵy; jarylǵysh zattardy tekserý kezinde kúdikti ýchaskelerden detektor kompressorynyń kómegimen býlardy jınaý jolymen taldaýdy júrgizý úshin salfetkalarmen mıkrobólshekterdi jınaý jáne olardy detektorǵa salý jolymen mıkrobólshekterdi men jarylǵysh zattardyń býlaryn taldaý detektorlary paıdalanylady; Qatty, suıyq jáne untaq túrindegi zattardy taldaý úshin rengenoflýoressenttik taldaǵyshtar qoldanylady, osy aspaptarmen jumys boıynsha qyzmetkerlerdi arnaıy oqytý qajet; taýarlar men kólik quraldarynyń salmaqtyq mánin aıqyndaý úshin ólsheý aspaptary qoldanylady; ýaqyt birliginde ótetin taýardyń kólemin qashyqtan ólsheý úshin energııa resýrstaryn esepteýdiń aspaptary paıdalanylady, olardy ólsheý nátıjeleri memlekettik kirister organdarynyń derekterdi berý arnalarymen baılanysty aqparattyq júıesine jazylady; taýarlar men kólik quraldaryn tekserý kezinde ozondy ydyratqysh zattardy anyqtaý úshin ıdentıfıkatorlar, detektorlar jáne hladagenderdi taldaǵyshtar paıdalanylady; tekserý, oqý, túsirý úshin, sondaı-aq elektrondy tıekteý-plombalaý qurylǵylaryn (elektrondy plombalardy) sanksııalanǵan ashýdy baqylaý úshin elektrondy tıekteý-plombalaý qurylǵylaryn (elektrondy plombalardy) oqý aspaptary paıdalanylady. Elektrondy tıekteý-plombalaý qurylǵylardy (elektrondy plombalardyń) stasıonarlyq, tasymaldanatyn jáne utqyr aspaptary paıdalanylady; keıinnen taýarǵa, oramaǵa, tranzıttik deklarasııaǵa, kólik quraldaryna japsyrylatyn zatbelgilerge, ózi japsyrylatyn lentalarǵa aqparat (shtrıh-kodty, mátindik aqparatty, túrli grafıkany) tańbalaý úshin shtrıh-kodtyń prınterleri paıdalanylady; zattańbalardy, shtrıh-kody bar japsyrǵyshtardy sáıkestendirý úshin shtrıh-kodtardy oqý aspaby qoldanylady (shtrıh-kodtar skaneri). Sáıkestendirýdiń tehnıkalyq quraldaryn qoldana taýarlardy sáıkestendirý nátıjeleri tereńdetilgen zertteý úshin osy taýarlardy saraptamaǵa jiberý úshin negiz bolyp tabylady; 6) memlekettik kirister organdarynyń laýazymdy adamdary túngi jáne kúndizgi ýaqytta kedendik baqylaý aımaǵynyń jedel jaǵdaıyn jáne memlekettik kirister organdary ákimshilik ǵımarattarynyń obektilerin qadaǵalaý úshin kedendik baqylaý maqsatynda únemi qoldanatyn kózben qarap qadaǵalaýdyń tehnıkalyq quraldary; 7) magnıtti tasyǵyshtarǵa (bobınalarǵa, plenkalarǵa, shaǵyn kassetalarǵa, dıskilerge, elektrondyq-esepteý mashınalarynyń dısketalaryna) jazylǵan aýdıo aqparat pen beıne aqparatty qarap shyǵý, tyńdaý jáne óshirý úshin osy tehnıkalyq aqparat tasyǵyshtardy kedendik baqylaý kezinde qoldanylatyn aýdıo jáne beıne aqparatty tasyǵyshtardy baqylaýdyń tehnıkalyq quraldary. Aýdıo jáne beıne aqparatty tasyǵyshtardy baqylaýdyń tehnıkalyq quraldary shyǵarylǵan fotoúldirler men kınoúlbirlerdi, slaıdtar men mıkrofıshterdi kózben qarap baqylaýdy júzege asyrý úshin paıdalanylady. 7. Memlekettik kirister organdary kedendik baqylaý aımaǵynda jedel baılanysty qamtamasyz etý úshin, sondaı-aq dalalyq jaǵdaılarda jedel baılanystyń tehnıkalyq quraldaryn qoldanady. 8. Memlekettik kirister organdarynyń laýazymdy adamdary ıntraskopııalyq tekserý tehnıkasyn ony qoldaný boıynsha arnaıy oqý kýrsyn, sondaı-aq rentgen sáýleleriniń adam, ósimdikter men janýarlardyń aǵzalaryna, tiri mıkroaǵzalary bar azyq-túlikke áseri boıynsha oqytýdan jáne radıasııalyq qaýipsizdik boıynsha oqytýdan ótkennen keıin qoldanýǵa quqyly. 9. Kedendik baqylaýdyń tehnıkalyq quraldaryn memlekettik kirister organynyń laýazymdy adamdary óndirýshi zaýyt qosa bergen tehnıkalyq derekterge, nusqaýlyqtarǵa sáıkes paıdalanylady. Intraskopııalyq tekserý tehnıkasy onyń barlyq tehnıkalyq múmkindikteriniń erekshelikterin, sondaı-aq zaýyttyń nusqaýlyǵyna nemese tehnıkalyq ereksheligine sáıkes tehnıkalyq qaýipsizdik erejesi men radıasııalyq qaýipsizdikti saqtaı otyryp qoldanylady. Izdeýdiń tehnıkalyq quraldary taýarlar men kólik quraldaryna mehanıkalyq zaqym keltirmeı tehnıkalyq qaýipsizdikti saqtaı otyryp qoldanylady. Buıryq Qazaqstan Respýblıkasynyń Ádilet mınıstrliginde 2015 jylǵy 16 qańtardaǵy Normatıvtik quqyqtyq kesimderdi memlekettik tirkeýdiń tizilimine №10092 bolyp engizildi.